മൌനം പറയുന്നത്

Posted by പാച്ചു


മൌനം പറയുന്നത് 


എന്റെ നിറഞ്ഞ വാചാലതകള്‍ക്കിടയിലും
കനത്ത മൌനത്തിന്റെ ഇടനാഴികളുണ്ട്.
എന്റെ വിരിഞ്ഞ പുഞ്ചിരിക്കിടയിലും 
ഖനീഭവിച്ച ദു:ഖത്തിന്റെ വിരല്‍പ്പാടുകളുണ്ട്.

വാക്കുകളുടെ ചിറകൊടിയുമ്പോള്‍ 
ചിരിയുടെ നിറം മങ്ങുമ്പോള്‍
ഓര്‍മ്മകളുടെ ചിതല്‍പ്പുറ്റിലേക്ക് 
ഞാന്‍ നുഴഞ്ഞു കയറുന്നു.

മൌനത്തിന്റെ ചത്ത വിത്തുകള്‍ അവിടെയുപേക്ഷിച്ച്
പുതിയ ചിന്തകളുടെ മൊഴിത്തിളക്കവുമായി 
വർത്തമാനത്തിലേക്കു ഞാൻ തിരികെയെത്തുന്നു.